Aqtaýda quny 2 mlrd. teńgeni quraıtyn geroın tárkilendi
ASTANA. QazAqparat - Búgin, 19 qyrkúıekte Aqtaýda Túrkııadan ákele jatqan 123 keli geroın ótkizýdiń joly kesildi.
Baǵalaý boıynsha, júktiń quny eki mıllıard teńgeden asady.
QR MKK baspasóz qyzmetiniń habarlaýynsha, Aqtaý qalasynda jedel-izdeý is-sharasy barysynda QM Memlekettik kiris komıtetiniń Ekonomıkalyq tergeý qyzmeti men Mańǵystaý oblysy boıynsha Memlekettik kiris departamentiniń qyzmetkerleri Túrkııadan Aqtaý porty arqyly kelgen Iveco markaly avtomashınadan tyıym salynǵan zat tapty.
Aldyn ala boljam boıynsha ustalǵan júk salmaǵy 123 keli geroın bolyp shyqty. Onyń quny qara bazarda 2 mlrd. teńgeden asady.
Bul oqıǵa boıynsha tergeý bastaldy.
