Aqtaýda quny 1 mlrd dollar bolatyn jańa zaýyt salynady
«Quny 16,75 mıllıon eýro turatyn kelisimshart boıynsha ıspandyq kompanııa bazalyq jobany 12 aı ishinde júzege asyrady. Birinshi kezeń aıaqtalǵannan keıin sheteldik mamandar EPC kelisimimen jumysyn jalǵastyratyn bolady. Oǵan sáıkes ıspandyq kompanııa jabdyqtarmen qamtamasyz etýdi uıymdastyrady, qurylys-montaj jumystaryn baqylaýdy, personaldy oqytýdy jáne iske qosý-retteý jumystaryn qamtamasyz etedi», - dep málim etti «QazAzot» JShS baspasóz qyzmetinen.
Jalpy ınvestıtsııa kólemi 1 mıllıard dollarǵa jýyq bolatyn ammıak-karbamıdti kesheni Mańǵystaý oblysyndaǵy «Aqtaý teńiz porty» arnaıy ekonomıkalyq aımaǵynda salynbaq. Óńirde hımııalyq ónerkásip ónimderiniń basym bóligi AEA aýmaǵynda óndiriletindikten, atalǵan zaýytty osy aımaqta salý tıimdi bolmaq.
Qurylysty 2026 jyldyń 4-toqsanynda aıaqtaý josparlanýda. Zaýyttyń qurylysyna 1,5 myń ýaqytsha jumysshy tartylmaq. Jobany iske asyrǵannan keıin 800 turaqty jumys orny ashylady.
Foto: kazazot.kz