Aqtaýda Qulsarydan evakýatsııalanǵan balalarǵa sporttyq is-sharalar uıymdastyryldy

AQTAÝ. KAZINFORM - Aqtaýda oqýshylar saraıynyń uıymdastyrýymen Qulsary qalasynan Mańǵystaýǵa evakýatsııalanǵan balalar arasynda sporttyq is-sharalar ótti.

Qoǵamdyq kommýnıkatsııa ortalyǵynyń málimetinshe, atalǵan sharaǵa Qulsary qalasynan evakýatsııalanǵan 200-ge jýyq bala qatysqan. Sonymen birge, balalar úshin anımator keıipkerleri kóńil-kúı syılady.

"Anımatorlar búldirshinder júzine kúlki úıirer jyly júzdesý uıymdastyrýǵa ózderi usynys bildirdi. Ortalyqta túrli baǵytta úıirmeler men sport sektsııalary bar. Tálimgerler ár alýan oıyndar ótkizdi", - dedi Aqtaý qalasyndaǵy «Oqýshylar saraıy» dırektory Janargúl Jumashova.

Sonymen qatar, shara barysynda 4 balanyń anasy qulsarylyq Almagúl Shýdabaeva evakýatsııa kezinde qoldaý kórsetken eriktilerge alǵysyn jetkizdi.

Mańǵystaý oblysyna Jylyoı aýdanyndaǵy sý tasqyny kezinde 18 myńnan astam adam evakýatsııalandy.

Onyń ishinde 16 myńnan astam Qulsary turǵyny ýaqytsha Beıneý aýdanyna qonystandy.