Aqtaýda quqyq qorǵaý qyzmetteri ortalyǵy ashyldy
AQTAÝ. QazAqparat - Búgin Aqtaý qalasynda quqyq qorǵaý qyzmetteri ortalyǵy ashyldy, dep habarlaıdy «QazAqparat» HAA tilshisi.
«Ult jospary - 100 naqty qadam» baǵdarlamasy aıasynda ashylǵan ortalyq quqyqtyq qyzmetterdi bir orynǵa ıntegratsııalaý maqsatynda quryldy. Ortalyq azamattardyń quqyq qorǵaý jáne memlekettik organdarǵa degen senim deńgeıin arttyrýdy, aryz-shaǵymdardyń jyldam qaralýyn qamtamasyz etedi», -deıdi Mańǵystaý oblystyq prokýrory Dastan Sartaev.
Quqyq qorǵaý qyzmetteri ortalyǵy azamattardy qabyldaý jáne olarmen jumys isteýge qajetti búkil ınfraqurylymdyq qural-jabdyqtarmen qamtamasyz etilgen. Quqyqtyq máselede júginip kelgen azamattardy tájirıbeli prokýrorlar qabyldaıdy.
Azamattardyń aryz-shaǵymdaryn jyldam qaraý úshin 8 memlekettik organnyń, sonyń ishinde oblys ákimdiginiń, jergilikti polıtsııa qyzmetiniń, qylmystyq-atqarý júıesiniń, eńbek basqarmasynyń, memlekettik kirister departamentiniń qyzmetkerleri, sondaı-aq advokattar, notarıýstar, medıatorlar jáne psıholog jumyldyrylǵan.
