Aqtaýda kúdikti toptan qarý-jaraq arsenaly tárkilendi

AQTAÝ. QazAqparat – Mańǵystaý oblysy PD uıymdasqan qylmysqa qarsy kúres basqarmasynyń qyzmetkerleri jedel-izdestirý is-sharalaryn júrgizý barysynda oblys ortalyǵynda kúdikti topty anyqtady, dep habarlaıdy QazAqparat Polisia.kz-ke silteme jasap.

Tintý kezinde ustalǵan adamdardan tapanshalar, myltyqtar, 100-den astam oq-dári, pyshaqtar jáne eki magazındi «UZI» modeliniń pýlemeti tárkilendi.
Kúdiktiler ýaqytsha ustaý ızolıatoryna qamaldy.

Qazir QR QK-niń 287-baby «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» boıynsha sotqa deıingi tergeý júrgizilip jatyr. Tıisti saraptamalar taǵaıyndaldy.

Tergeý múddesinde ózge málimetter jarııalanbaıdy.