Aqtaýda KTK oıynshysyn óltirgenderge qatysty sot isi bastaldy
AQTAÝ. QazAqparat - Mańǵystaý oblysynyń qylmystyq ister jónindegi mamandandyrylǵan aýdanaralyq sotynda Aqtóbe kóńildi jáne tapqyrlar klýby (KTK) komandasynyń burynǵy oıynshysy Danııar Álimbaevty óltirdi degen kúdikpen ustalǵan 3 adamǵa qatysty sot isi bastaldy, dep xabarlaıdy QazAqparat tilshisi atalǵan mekemeniń baspasóz qyzmetine silteme jasap.
Sottalýshy S-ǵa qatysty QR QK-niń 99-babynyń 2 bóliginiń 9 tarmaǵymen (buzaqylyq nıetpen adam óltirý), sottalýshylar T. men Sh.-ǵa qatysty QR QK-niń 293-babynyń 3 bóliginiń 2 tarmaǵymen (sýyq qarý qoldanyp buzaqylyq jasaý) qylmystyq isti qaraý bastaldy.
Sotta anyqtalǵandaı, 20 shilde kúni keshki saǵat 20:30-dar shamasynda Aqtaý qalasy 6 shaǵynaýdanda ornalasqan «Horoshee Zavedenıe» karaoke barynda birneshe jigit bir-birimen sózge kelip, kelispeýshilik sońy tóbeleske ulasqan. Nátıjesinde sottalýshy S. jábirlenýshi Danııar Álimbaevty sol jaq aıaǵynyń sanyna, ıaǵnı úlken kúre tamyryna kúshtep birneshe ret pyshaq tyǵyp, qaıtys boldy.
Danııar Álimbaev Aqtóbeniń KTK komandasynyń quramynda oınaǵan. Álimbaevtyń artynda áıeli men tórt balasy qaldy.
Kelesi sot otyrysy 2018 jyldyń 8 qazany saǵat 10.00-ge taǵaıyndaldy.
Osyǵan deıin Danııar Álimbaevty Aqtaýda belgisiz bireýlerdiń óltirip ketkenin jáne osy oqıǵa boıynsha qylmystyq is qozǵalǵanyn habarlaǵan bolatynbyz.
