Aqtaýda QR Tuńǵysh Prezıdenti saıabaǵynyń qurylysy bastaldy

AQTAÝ. QazAqparat - Aqtaýda QR Tuńǵysh Prezıdenti saıabaǵynyń qurylysy bastaldy, dep habarlaıdy QazAqparat tilshisi.

Búgin oblys ákimi Serikbaı Trumovqa Aqtaý qalasynda boı kóteretin QR Tuńǵysh Prezıdenti saıabaǵynyń jobasy tanystyryldy.

Saıabaq qalanyń jańa 40 shaǵyn aýdanynda ornalasady. Nysannyń jalpy kólemi 23 gektar. Onda qala turǵyndarynyń belsendi demalýyna arnalǵan alańdar, serýendeý aımaqtary bolady. Gúlder alleıasy, mýzykalyq sýburqaq, balalar oıyn alańdary, júgirý jáne velosıped joldary ornatylady. Saıabaqta tamshylatyp sýarý júıesi júrgizilip, demalýshylardy jelden qorǵaıtyn qorǵanysh bolady.

Demalys orny «BS stroy» JShS-nyń jeke qarajaty esebinen turǵyzylady. Úlken saıabaqtyń qurylysyn 2026 jyly tolyq aıaqtaý josparlanyp otyr.