Aqtaýda qoıý tuman ushaqtyń qonýyna múmkindik bermedi
ASTANA. QazAqparat - Aqtaýda Máskeý men Sochıden kele jatqan ushaq qona almaı, Atyraýdaǵy qosalqy áýeaılaqqa qonýǵa májbúr bolǵan, dep habarlaıdy «QazAqparat» HAA.
Búgin Scat áýe kompanııasynyń Máskeý-Aqtaý baǵyty boıynsha 806-reısindegi ushaǵy, sondaı-aq osy kompanııaǵa tıesili Sochıden kele jatqan 820-reısi kóp ýaqytqa keshigip keldi.
Qoǵammen baılanys bóliminiń basshysy Vıktorııa Starojılovanyń habarlaýynsha, ushaq jaısyz aýa raıy saldarynan Atyraýdaǵy qosalqy áýeaılaqqa qonýǵa májbúr bolǵan. 88 jolaýshy birneshe saǵat boıy aýa raıynyń jaqsarýyn kútken.
«Reıstiń keshigýine Aqtaý áýejaıyndaǵy qoıý tuman áser etken. Kórý múmkinshiligi 150 metr ǵana boldy», - dedi Vıktorııa Starojılova.
Aqtaý áýejaıynyń dırektory Erǵazy Joldasovtyń habarlaýynsha, tańǵy reısterdiń keshigýi Qazaqstannyń birneshe qalasyna ushatyn ushaqtarǵa kedergi keltirgen.
