Aqtaýda kóshelerine ekologııalyq qaýipsiz shamdar ornatylmaq
Birinshi kezekte qaladaǵy 7 myń jaryq baǵanasyndaǵy 2 myń lampa aýystyrylady. Osylaısha, qaladaǵy jaryqtyń 30%-y jańarady. Bul maqsatta bıýdjetten 400 mln teńge bólindi. Alǵashqy kezeńde HQKO-nan bastap (15 shaǵynaýdan) 1 shaǵynaýdanǵa deıingi ortalyq jolǵa 400-ge jýyǵy qoıylady. Jańa shamdardyń basty artyqshylyǵy, qyzmet etý merziminiń uzaqtyǵy, energııa tutynýdyń tómendigi jáne ekologııalyq qaýipsizdigi.
«Jaryqdıodty shamdar synapty shamdarmen salystyrǵanda elektr energııany 1,5 - 2,5 ese az tutynady. Mysaly, eski shamdar 250 Vt tutynsa, qazirgi şamdar 120 Vt tutynady. Ár shamda barlyq derekterdi kontrollerler arqyly jalpy bazaǵa berý úshin kúńgirt bloktar qoıylǵan jáne IP mekenjaıy ornatylǵan, onyń kómegimen shamnyń jumysyn baqylap otyrýǵa bolady. Birinshi kezeńdi naýryz aıynyń aıaǵyna deıin aıaqtaý josparlanyp otyr»,-deıdi «Aqtaý elektr jelileri basqarmasy» MKK ýchaske basshysy Aǵlen Sársenǵalıev.
Budan bólek, 1 aı buryn Aqtaýda barlyq jaıaý júrginshiler jolaǵyn jaryqtandyrý júrgizilip jatqan. Osy ýaqytqa deıin halyqtyń suranysyna oraı, kólik qozǵalysy kóp 27 jolaqqa shamdar ornatyldy. Aldaǵy ýaqytta qala kóshelerindegi barlyq 187 jolaq qamtylmaq.
«Jaıaý júrginshiler jolynyń jaryqtaryn óz kúshimizben ornatyp jatyrmyz. Áýejaı̆ jolyndaǵy eski baǵanalardy qalaǵa ornatý arqyly qarajatty únemdep, jumsamadyq. Bastysy, halyqtyń suranysy oryndalýda. Únemdelgen qarajatty abattandyrý jumystaryna, shaǵynaýdanishindegi joldaýdyń jóndeý jumystaryna jumsaımyz. Jyldyń aıaǵyna deıin 700 jaryq baǵanasyn qaı̆ta óńdep, jaıaý júrginshi ótkelderine qoıamyz. Jalpy, jaryqtandyrýǵa bólingen 300 mln. teńgeni únemdedik»,-deıdi Aqtaý qalasynyń ákimi Nurdáýlet Qılybaı.