Aqtaýda kóshege jalańash shyqqan er adam jyndyhanaǵa qamaldy

 AQTAÝ. KAZINFORM - Aqtaýda seısenbi kúni kóshege jalańash shyǵyp eldi shoshytqan er adamdy polıtsııa ustady. Qazir atalǵan oqıǵa boıynsha sotqa deıingi tergeý jumystary júrip jatyr.

«Kúdikti ustalǵannan keıin birden psıhıatrııalyq dıspanserge jatqyzyldy. Budan ózge aqparattar tergeý múddesi saı jarııalanbaıdy. Bul jaǵdaı boıynsha tergeý jalǵasýda», - dedi Mańǵystaý oblystyq Polıtsııa departamentiniń baspasóz qyzmetindegiler.

6 aqpan kúni áleýmettik jelide Aqtaýda kóshede jalańash júrgen adamnyń beınejazbasy jarııa bolǵan edi. Keıin bul jaǵdaıdyń 6 yqshamaýdanda bolǵany anyqtaldy.

Qolyna kitap ustap, arabsha quran súresine uqsas sózderdi aıtqan er adam sol mańdaǵy dúkenge kirip, tońazytqyshty qulatyp tastaǵan. Artynsha ony ýchaskelik polıtseıler ustaǵany habarlandy.