Aqtaýda qos azamattyqpen júrgen reseılik ustaldy

AQTAÝ. QazAqparat - Aqtaýda eki eldiń azamattyǵymen júrgen 23 jastaǵy reseılik ustaldy, dep hbarlaıdy QazAqparat tilshisi.

Oǵan qos azamattyǵy úshin sot sheshimimen aıyppul salynyp, elden shyǵaryldy.

«Qos eldiń azamattyǵy boıynsha Reseı Federatsııasynyń azamaty Presıajnaıa Tatıana ustalyp, ákimshilik jaýapkershilikke tartyldy. Ol Aqtaý áýejaıynda qolǵa tústi. QR ÁQBtK-niń 496-baby boıynsha Aqtaý qalalyq soty 496 myń teńge aıyppul salý týraly sheshim shyǵaryp, eline jiberildi», - dep jazdy Mańǵystaý stantsııasyndaǵy jelilik polıtsııa bólimi bastyǵynyń birinshi orynbasary Rýslan Shmanov.

Jalpy jyl basynan beri kóshi-qon zańnamasyn buzǵan 11 sheteldik ákimshilik jaýapkershlikke tartylǵan. Basym bóligi Ázirbaıjan, Ózbekstan azamattary bolǵan. Al byltyr qos eldiń azamattyǵymen júrgen 10-nan astam adam anyqtalǵan.