Aqtaýda kórshisiniń qandala ýlaǵanynan eki bala qaıtys boldy
Aqtaýda qandalaǵa qarsy ýlaýdan kórshi páterdegi 2021, 2022 jyly týǵan balalar kóz jumdy. Sondaı-aq bes adam aýrýhanaǵa jetkizildi, dep habarlaıdy Kazinform.
21 qazan saǵat 8:50-de 102 kezekshi pýltine 7 shaǵyn aýdandaǵy úılerdiń birine shaqyrtý kelip túsken.
«Shaqyrtýǵa jedel-tergeý toby shyqty. Mán-jaıdy anyqtaý barysynda páterden 2021 jáne 2022 jylǵy kámeletke tolmaǵan balalardyń máıiti tabyldy. Sondaı-aq bes adam aýrýhanaǵa jetkizildi», - dep málim etti Mańǵystaý oblystyq Polıtsııa departamentiniń baspasóz qyzmetinen.
Polıtseılerdiń málimetinshe tómende ornalasqan kórshi páter ıesi úıin ýlaǵan.
Atalǵan derek QR qylmystyq kodeksiniń 304-baby 3-bóligi boıynsha tirkeldi.
Saraptama taǵaıyndalyp, oqıǵa ornyna sanıtarlyq-epıdemıologııalyq qyzmet mamandary barǵan.
