Aqtaýda koronavırýs anyqtalǵan adam Qyzylordadan kelgen
AQTAÝ. QazAqparat – Búgin koronavırýs anyqtalǵan naýqas Aqtaýǵa Qyzylordadan issaparmen kelgen, dep habarlaıdy QazAqparat oblystyq jedel shtabtyń baspasóz qyzmetine silteme jasap.
Qazir 50 jastaǵy naýqas ýaqytsha turǵan úıdiń bir podezi (Aqtaý qalasy, 11-shaǵyn aýdany, 10 úı) karantınge jabyldy. Onymen tikeleı baılanysta bolǵan tulǵalar birden oqshaýlanyp, aýrýhanaǵa jatqyzyldy. Naýqaspen qarym-qatynasta bolǵan basqa da azamattar anyqtalyp jatyr.
Dárigerler Aqtaý qalasynyń turǵyndaryn karantın rejımin saqtap, saq bolýǵa shaqyrady.
