Aqtaýda kópqabatty úıden qulap ketken eki jasar qyz aman qaldy
AQTAÝ. QazAqparat - Eki jasar búldirshin úshinshi qabattan qulaǵan kezde aǵashtyń ústine túsip, aman qalǵan, dep habarlaıdy QazAqparat lada.kz saıtyna silteme jasap.
Mańǵystaý oblystyq densaýlyq saqtaý basqarmasynyń baspasóz hatshysy Azamat Sársenbaevtyń habarlaýynsha, eki jasar qyz Mańǵystaý oblystyq balalar aýrýhanasyna 12 mamyr kúni 19:20-da jetkizilgen. Onyń mıy shaıqalyp, beti men basynan jaraqat alǵan.
«Ata-anasynyń aıtýynsha, búldirshin úshinshi qabattan qulaǵan. Ata-anasy ony aýrýhanaǵa shuǵyl túrde jetkizip, sonyń arqasynda aman qaldy», - dedi Azamat Sársenbaev.
Balanyń densaýlyǵy birqalypqa kelgennen keıin ony travmatologııa bólimine aýystyrdy.
«Qazirgi ýaqytta búldirshinniń jaǵdaıy jaqsy», - dep atap ótti Azamat Sársenbaev.
