Aqtaýda kópqabatty turǵyn úılerdiń syrty boıalady

AQTAÝ. QazAqparat - Aqtaýda kóp qabatty turǵyn úılerdiń syrtyn boıaý jumystary bastalady,-dep habarlaıdy Qazaqparat tilshisi.

Bıyl 177 úıdiń qasbeti túrli túske enbek. Shahardy kórkeıtýge baǵyttalǵan sharaǵa qarajat jergilikti bıýdjetten bólindi.

Qaladaǵy kóp qabatty turǵyn úılerdiń syrty eki jyl buryn boıaldy. Ol kezde qalanyń 55-jyldyǵyna oraı, 25 shaqty úıdiń syrty kásipkerlerdiń demeýshiligimen jańarǵan bolatyn.

«25 shaǵynaýdan boıynsha joldyń boı̆yndaǵy turǵyn úı̆lerdiń qasbetterin (fasad) arhıtektýralyq talaptarǵa sáıkes boıaýdy qolǵa alyp otyrmyz. Barlyǵy 440 213 sharshy metr qabyrǵa syrlanady. Bul degenimiz qaladaǵy 21 shaǵynaýdannyń ortalyq kóshe jaǵyndaǵy kóp páterli turǵyn úıleri. Túsine qatysty birneshe úlgileri jasalady»,-dedi Aqtaý qalalyq turǵyn-úı kommýnaldyq sharýashylyǵy bóliminiń basshysy Qaırat Aqybaev.