Aqtaýda kópqabatty úıdiń terezesinen qulaǵan bala mert boldy

AQTAÝ. KAZINFORM - Aqtaýda turǵyn úıdiń joǵary qabatynan qulaǵan 4 jastaǵy bala mert boldy.

Qaıǵyly oqıǵa oblys ortalyǵynyń 17 shaǵynaýdanyndaǵy úılerdiń birinde boldy. Qaraýsyz qalǵan bala besinshi qabattan qulap ketken.

Atalǵan jaǵdaıdyń kýágerleri oqıǵanyń 25 sáýirde bolǵanyn aıtyp otyr.

Bul týraly Mańǵystaý oblystyq polıtsııa departamentiniń ókilderi pikir bildirip, tekserý jumystary bastalǵanyn málimdedi.

«Bala oqıǵa ornynda qaza boldy. Buǵan qatysty sot-medıtsınalyq saraptama taǵaıyndaldy. Qazir oqıǵanyń mán-jaıy tekserilýde», - dedi oblystyq PD-niń baspasóz qyzmetindegiler.