Aqtaýda kópqabatty turǵyn úıdiń jertólesinde egeýquıryq qaptap ketti
AQTAÝ. KAZINFORM — Aqtaýdaǵy 12-shaǵyn aýdanda ornalasqan toǵyz qabatty úıdiń turǵyndary egeýquıryqtardyń kóbeıgenine shaǵymdandy. Aıtýlarynsha, kemirgishter jertólede qaptap ketken.
— Bir jyl buryn júrgizilgen deratızatsııaǵa qaramastan, jaǵdaı jaqsarmaǵan, kerisinshe kemirgishterdiń sany kúrt artty. Egeýquıryqtar qaýipti ǵoı, olar qaýipti juqpaly aýrýlardy tasymaldaýy múmkin. Balalardyń qaýipsizdigi men densaýlyǵyna alańdap otyrmyz, — deıdi turǵyndar.
Atalǵan jaǵdaıǵa «Sobstvennık» páter ıeleri kooperatıviniń tóraıymy Olga Kotovnık pikir bildirdi. Onyń aıtýynsha, úıde egeýquıryqtar bolmaýy tıis, sebebi buǵan deıin jertólelerde tıisti óńdeý jumystary júrgizilgen.
— Jertólelerge ýlaý jumystary júrgizilgen, sondyqtan egeýquıryqtar bolmaýy kerek. Tekserý júrgiziledi, — deıdi Olga Kotovnık.
Buǵan deıin Aqtaýda teńiz jaǵalaýynda egeýquryqtar qaptap ketip, ýlaý jumystary júrgizilgeni habarlandy.