Aqtaýda kóp qabatty turǵyn úı aýlasynan er adamnyń denesi tabyldy

AQTAÝ. QazAqparat – Aqtaý qalasynda 6-shaǵyn aýdandaǵy 24-úıdiń aldynan er adamnyń denesi tabyldy, dep habarlaıdy QazAqparat tilshisi.

«Aqtaý qalalyq Іshki ister basqarmasynyń kezekshi bólimine 6-shaǵyn aýdan 24-úıdiń aldynan kúsh kórsetý belgileri joq er adamnyń máıiti tabylǵany týraly qońyraý kelip tústi. Qońyraý 28 qazan kúni saǵat 20:21-de tirkeldi», - dep málim etti Mańǵystaý oblystyq polıtsııa departamentiniń baspasóz qyzmetinen.

Oqıǵa ornyna jedel tergeý toby barǵan. Máıitti sot-medıtsınalyq sarapshy qaraǵan kezde dene jaraqattary anyqtalmaǵan. Er adamnyń óliminiń sebebin naqty anyqtaý úshin sot-medıtsınalyq saraptama taǵaıyndaldy.