Aqtaýda kóp qabatty ǵımarattyń qasbeti qulady: gaz qubyry búlindi
«Eger bul oqıǵa kúndiz oryn alǵanda zardap shekkendersiz bolmas edi. Osy jyldyń aqpan aıynan bastap bul úı Menshik ıeleri qaýymdastyǵynyń (Axis) basshylyǵyna ótti. Búginge deıin jaýapty adamdy taba almaımyz. Basshylary men qyzmetkerleri ýáde etedi, biraq óz mindettemelerin oryndamaıdy», - dedi osy úıdiń turǵyny Sáýle.
Qalalyq ákimdiktiń baspasóz qyzmetinde qasbetiniń úgilitip túsýine ne sebep bolǵandyǵyn túsindirdi. Úıdiń qasbetiniń qulaý qatty jeldiń saldarynan bolǵan. Saldarynan gaz qubyry búlingen. Zardap shekkender joq.
Qazirgi ýaqytta oqıǵa ornynda qala ákiminiń orynbasary Serik Gýsman, ákimdiktiń jáne tótenshe jaǵdaılar basqarmasynyń tıisti jaýapty bólimderi, sondaı-aq múlik ıeleri birlestiginiń birlesken toby (os) jumys istep jatyr.
Qaýipti boldyrmaý maqsatynda «QazTransGazAımaq» AQ qyzmetkerleri gaz berýdi ýaqytsha toqtatty.
Jaǵdaı anyqtalǵannan keıin qubyrlar tekserilip, qaıtadan gaz beriledi.
Qabyrǵanyń synǵan bólikterin arnaıy tehnıkamen «Aqbota»MKK qyzmetkerleri tazalaıdy.