Aqtaýda kontrabandalyq jolmen jetkizilgen 8 622 500 qorap temeki tárkilendi
AQTAÝ. QazAqparat - Aqtaý qalasyndaǵy ónerkásiptik aımaqtaǵy qoımalardyń birinen 17 245 qorap kontrabandalyq temeki tabylyp, tárkilendi,-dep habarlaıdy Qazaqparat tilshisi ІІB baspasóz qyzmetine silteme jasap.
13 maýsym kúni shamamen saǵat 11.40-ta ІІD Uıymdasqan qylmysqa qarsy kúres basqarmasynyń qyzmetkerleri Aqtaý qalasyndaǵy Promzona bazasyndaǵy qoıma ornynyń birin jedel-izdestirý sharasy kezinde anyqtaǵan.
Atap aıtsaq, «Platıným», «Kapteın Blek», «Omega», «Omega blek», «Omega Eko Mentol», «Arızona», «Omega akva blıý», «Platıným premıým», «Platıným Nano», «Manchester», «Oskar», «Mak Ekstra», «Mak Blek», «Oskar red», «Manchester blıý» sııaqty sheteldik markidegi temeki túrleri eshbir aktsızdi markasyz jáne qujatsyz saqtalǵan.
Bir qorapta 500-den temeki býmasy bolǵan. Jalpy, temeki býmasynyń jalpy sany - 8 622 500.
Atalǵan derek 13.06.2018 j. QR QK-niń 234-babynyń 2-bóligi (ekonomıkalyq kontrabanda) boıynsha SDTBT-ne tirkeldi.
QR Qylmystyq is júrgizý kodeksiniń 186 babyna sáıkes, qylmystyq is Mańǵystaý oblysy Memlekettik kirister departamentiniń ekonomıkalyq tergeý qyzmetine beriletin bolady.
