Aqtaýda qonaqúılerdiń birinen teńizge sý aǵyzý deregi anyqtaldy
AQTAÝ. KAZINFORM – Ekologtar áleýmettik jelilerdi baqylaý barysynda «Caspian Riviera» qonaqúıiniń janynda teńizge sý aǵyzý týraly aqparatty anyqtaǵan. Osy oqıǵa baılanysty oblystyq ekologııa departamentiniń mamandary tekserý jumystaryn júrgizip jatyr.
Beınejazbada atalǵan qonaqúıdiń janyndaǵy qubyrdan tikeleı teńizge aǵyndy sý tógilip jatqany kórsetilgen.
-Búgin, 17 qarashada Mańǵystaý oblystyq ekologııa departamentiniń mamandary tógindi faktisin anyqtaý úshin oqıǵa ornyna bardy. Tabylǵan qubyrdan sý úlgileri alyndy. Zerthanalyq taldaý nátıjeleri qorshaǵan ortany qorǵaý boıynsha qajetti sharalardy qabyldaý jáne lastaný deńgeıin anyqtaý úshin qosymsha jarııalanatyn bolady, - delingen habarlamada.
Aqtaýda 7A shaǵyn aýdanda da jaǵalaýdaǵy dámhanalardyń birinen teńizge las sý aǵyp jatqanyn qala turǵyndary beınejazbaǵa túsirip alǵan. Ol týraly ekologtar ázirge jaýap bergen joq.
Buǵan deıin, Kaspıı teńiziniń taıazdanýynan aýmaǵy 36 myń sharshy shaqyrymǵa azaıǵanyn jazǵan bolatynbyz.