Aqtaýda kommýnaldyq kásiporynǵa aıyppul salynyp, tarıf arzandady

ASTANA. KAZINFORM — Aqtaýda prokýratýra aktisi boıynsha sý burý qyzmetteriniń tarıfi tómendetildi, dep habarlaıdy Mańǵystaý oblysy prokýratýrasynyń baspasóz qyzmeti.

«KJSA» MKK qyzmetinde júrgizilgen tekserý kezinde 30 mln teńgege tarıftik smetanyń oryndalmaǵany anyqtaldy. Zańǵa sáıkes bekitilgen tarıftik smetany oryndamaý — ýaqytsha ótemdik tarıfti bekitýge negiz bolady.

— Prokýratýra qabyldaǵan sharalardyń nátıjesinde sarqyndy sýdy burý qyzmetiniń quny 3%-ǵa deıin tómendetildi, sýmen qamtýshy kásiporynǵa 3,4 mln teńge aıyppul salyndy. 105 myńnan astam tutynýshynyń quqyqtary qorǵaldy, onyń ishinde 1,5 myń kásipkerlik sýbektisi bar. Azamattardyń quqyqtarynyń saqtalýy prokýratýranyń turaqty baqylaýynda, — delingen habarlamada.

Budan buryn Shymkent turǵyndarynyń 99 paıyzy kommýnaldyq qyzmetpen qamtamasyz etilgenin jazǵanbyz.