Aqtaýda kólik órtenip, júrgizýshisiniń qoly kúıip qaldy
AQTAÝ. KAZINFORM - Aqtaýda 42 jastaǵy qala turǵyny kóligi órtengen sátte qolyn kúıdirip aldy.
Óńirdiń tótenshe jaǵdaılar departamentiniń málimetinshe, shaǵyn aýdandardyń birinde "Opel" kóliginen tolyǵymen órtenip ketken.
«4 naýryz kúni saǵat 16:35-te Aqtaýdyń 23-shi shaǵyn aýdanynda 1994 jyly shyqqan "Opel" markaly avtokólik otqa orandy. Sonyń saldarynan 1982 jyly týǵan júrgizýshiniń oń qolynyń 5-6 paıyz bóligi kúıip aldy. Tilsiz jaý 16:45-te sóndirilip, oqıǵa ornyna jeke quramnyń 6 qyzmetkeri men 1 tehnıka jumyldyryldy», - dedi oblystyq TJD-nyń baspasóz qyzmeti.
Al oblystyq densaýlyq saqtaý basqarmasy zardap shekken qala turǵynynyń jaǵdaıy qalypty ekenin atady.
«Búgin órt kezinde qolyn kúıik shalǵan azamat dáriger kómegine júgindi. Ambýlatorlyq em-dom kórsetilgen soń úıge jiberildi», - dedi Mańǵystaý oblystyq kópbeıindi aýrýhanynyń dárigerleri.
Osyǵan deıin Aqtaýda patrýldik polıtsııa mingen qyzmettik kólik jol apatyna sebepker bolǵan edi.
Sonymen birge, kólik dóńgelegin jóndeý tsehynda bolǵan órt kezinde kúıik shalǵan eki sheteldik azamat aýrýhana jetkizilip, qazirge deıin jansaqtaý bóliminde aýyr halde jatyr.
