Aqtaýda kóliktiń gaz ballony jarylyp, órtenip ketti

AQTAÝ. QazAqparat - Aqtaýda 27 shaǵynaýdandaǵy 67 úıdiń janynda kóliktiń gaz ballony jarylyp, túgi qalmaı janyp ketti. Kýágerlerdiń aıtýynsha, «Daewoo Nexia» órtenerden 5 mınýt buryn kóliktiń jolaýshy otyratyn esiginen balalar túsip, oınap júrgen.

Bul týraly Mańǵystaý oblysy Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń bastyǵy Nazar Selımov málim etti.

«Órt sóndirýshiler kelgenge deıin kólikte gaz ballony jaryldy. Saldarynan kólik túgi qalmaı órtenip ketti. Qyzyl jalyndy aýyzdyqtaýǵa «Pýrga»kóbik shashatyn tehnıka men 6 adam jumyldyryldy. Zardap shekkender joq»,- dedi Nazar Selımov.

«Daewoo Nexia» jarylǵan kezde mashına qaldyqtary jaqyn jerde turǵan «Lada Granta» kóligin zaqymdap, avtomobıldiń sol jaq bóligi órtenip ketken.