Aqtaýda kóliktiń gaz ballony jaryldy: Júrgizýshi kelinshek aýyr halde
ASTANA. QazAqparat - Aqtaýda kólik órtendi, saldarynan áıel adam zardap shekti, dep habarlaıdy Lada saıty.
Mańǵystaý oblystyq aýrýhanasynyń travmotologııa jáne ortopedııa bóliminiń basshysy Eset Shahatbaevtyń aıtýynsha, 40 jastaǵy áıel adamnyń jaǵdaıy aýyr dep baǵalanyp otyr.
Gaz ballony jarylǵan kezde kelinshek rólde otyrǵan, saldarynan denesiniń kóp jeri kúıip qalǵan.
«Naýqas esin biledi, alaıda jaǵdaıy aýyr. Betin, eki qoldaryn, aıaǵynyń aldyńǵy jaqtaryn, ishin, denesin kúıik shalǵan», - dedi Eset Shahatbaev.
Eske sala keteıik, 1 maýsym kúni Aqtaýdaǵy 28 ben 29 shaǵyn aýdandarynyń arasyndaǵy jolda kólik órtendi.
