Aqtaýda kólik qaǵyp ketken kishkentaı eki qyzdyń biri kóz jumdy

AQTAÝ. QazAqparat - Aqtaý qalasynda joldan ótip bara jatqan eki qyz balany kólik qaǵyp ketti, dep habarlaıdy QazAqparat Lada.kz resýrsyna silteme jasap.

Polıtsııa málimetinshe, jol apaty 29 qarasha kúndizgi 13.15 kezinde 31«A» jáne 31«B» shaǵynaýdandarynyń arasyndaǵy jolda bolǵan.

Zardap shekken 5 jáne 6 jasar qyzdar Mańǵystaý oblystyq aýrýhanasyna jetkizilgen. Onyń biri sol jerde kóz jumdy.

Qyzdardyń qasynda bireýiniń anasy bolǵan. Úsheýi rettelmeıtin jaıaý júrginshiler ótkelimen joldy kesip ótip bara jatqanda Nissan X-Terra kóligi kelip qaqqan.

«Jol apatyna túsken qyzdyń kóziniń astynda qara daqtar, isik, eki aıaǵynyń baltyrynda jaraqat bar. Jabyq mı jaraqatyn alǵan, mıy shaıqalǵan. Travmatologııa bólimshesine jatqyzyldy» dep habarlady oblystyq densaýlyq saqtaý basqarmasynan.

Atalǵan fakti Qylmystyq kodekstiń 345-babynyń 3-bólimimen tirkeldi. Tergeý júrip jatyr.