Aqtaýda kóligimen adam qaqqan júrgizýshi oqıǵa ornynan qashyp ketti

AQTAÝ. QazAqparat - Aqtaýda 28 jastaǵy áıeldi qaǵyp ketken kólik júrgizýshisi oqıǵa ornynan qashyp ketken, dep habarlaıdy QazAqparat tilshisi.

Oqıǵa 12 jáne 13 shaǵynaýdandy baılanystyratyn jaıaý júrginshiler jolaǵynda bolǵan. Qazir kináli izdestirilýde. Bul týraly oblystyq polıtsııa departamentiniń baspasóz hatshysy málimdedi.

Kýágerlerdiń aıtýynsha, áıeldi jol talǵamaıtyn sur tústi kólik qaqqan.

Al, oblystyq densaýlyq saqtaý basqarmasy baspasóz hatshysy jedel járdem brıgadasy oqıǵa ornyna 4 mınýtta jetkenin aıtady. Jábirlenýshiniń mıy shaıqalyp, bas súıegi zaqymdanǵan.

«Áıel Mańǵystaý oblystyq aýrýhanasynyń travmotologııa bólimine jatqyzyldy. Tıisti medıtsınalyq kómektiń bári kórsetilýde. Jaǵdaıy turaqtaǵan soń úıine jiberiledi. Dál qazirgi jaǵdaıy turaqty»,-dedi oblystyq densaýlyq saqtaý basqarmasynyń baspasóz hatshysy Nurbol Oqýov.