Kaspııde qoldan jasalǵan salmen jaǵadan alysqa ketip qalǵan 6 jetkinshek qutqaryldy

AQTAÝ. KAZINFORM — Mańǵystaý oblysynda qutqarý operatsııasy ótti. 

Búgin TJM qyzmetkerleri Aqtaý qalasynda Kaspıı teńiziniń jaǵalaýynan 1,5 km qashyqta qoldan jasalǵan júzý quralymen jaǵadan alys júzip, qaıtyp kele almaǵan 17-19 jas aralyǵyndaǵy 6 jasóspirimdi qutqaryp, jaǵalaýǵa jetkizdi.

Olarǵa medıtsınalyq kómek qajet bolmady.

TJM qaýipsizdik talaptaryn eske salady:

• sýda qutqarý keýdeshesin kıińiz;
• qaıyqty ishimdik ishken kúıińizde basqarmańyz;
• balalardy bir mınýtqa da qaraýsyz qaldyrmańyz.