Aqtaýda qoqys jáshiginen er adamnyń denesi tabyldy
AQTAÝ. QazAqparat -28-shaǵynaýdandaǵy turǵyn úılerdiń biriniń aldyna qoıylǵan qoqys jáshiginen er adamnyń denesi tabyldy, dep xabarlaıdy QazAqparat tilshisi MO ІІB baspasóz qyzmetine silteme jasap.
Er adamnyń denesin qoqys jınaýshy kóliktiń júrgizýshisi jumys kezinde baıqap qalǵan. Quqyq qorǵaý organdaryna júrgizýshi qyzmet etetin mekemeniń mamandary xabarlaǵan.
MO ІІB baspasóz qyzmetiniń málimdeýinshe, qylmysqa qatysy bar kúdikti ustalǵan. Ol ýaqytsha tergeý abaqtysynda qamaýda. QR Qylmystyq kodeksiniń 99-bap 1-tarmaǵy boıynsha is qozǵalyp, sotqa deıingi tergeýdiń biryńǵaı tizilimine engizildi. Qazir sot-medıtsınalyq saraptama taǵaıyndalyp, sotqa deıingi tergeý jumystary júrgizilip jatyr.
Er adamnyń naqty neden qaıtys bolǵany anyqtalýda.
