Aqtaýda kóktaıǵaqtan 50 shaqty adam zardap shekti
ASTANA. QazAqparat - Aqtaýda keshe túnde sebelep jaýǵan jańbyrdan soń aıaz túsip, tańerteń dala kósheleri kóktaıǵaq boldy, dep xabarlaıdy QazAqparat tilshisi.
Tańerteńgilik ýaqytta qoǵamdyq kólikter ádettegi kestesinen keshigip, turǵyndarǵa biraz qıyndyqtar týǵyzdy. Al, taksı júrgizýshileri jaǵdaıdy paıdalanyp, baǵany ósirdi. Osylaısha, tańerteń jumysyna asyǵyp júrip taıyp qulap, oblystyq aýrýxananyń qabyldaý bólimine túskender kóp boldy.
MO Densaýlyq saqtaý basqarmasynyń baspasóz qyzmetiniń xabarlaýynsha, aýrýxananyń qabyldaý bólimine tańerteńgi 8-den qazirgi ýaqytqa deıin 50 shaqty adam kelip qaralǵan. Olardyń 3-eýi aýrýxanaǵa jatqyzylypty.
"Ádette, qabyldaý bólimine kúni boıy 25-teı adam júginetin. Al, myna kók taıǵaqqa baılanysty ártúrli shaǵymmen jarty kúnde 50-deı adam keldi. Balalar aýrýxanasynda jaǵdaı birqalypty. Shtattyq rejımde jumys jasap jatyr. Onda eshkim shaǵymmen kelmedi",- deıdi baspasóz qyzmetiniń jetekshisi Azamat Sársenbaev.
Qysqy dóńgelek aýystyrmaǵan kólik ıeleri de zardap shekti. Osy ýaqyt ishinde 5 jol-kólik oqıǵasy tirkelgen.
MO ІІD baspasóz qyzmetiniń málimetinshe, kólik apaty saldarynan densaýlyǵyna zaqym kelgender joq. Atalǵan faktiler boıynsha QR Ákimshilik kodeksiniń 610-baby, 1-bóligi boıynsha is qozǵalǵan.
Aýa raıynyń kúrt ózgerip, kóktaıǵaq bolýyna baılanysty tańǵy 7-den bastap qala kóshelerine kum-tuz shashý jumystary júrgizilip jatyr.
