Aqtaýda qoǵamdyq kólikte jol aqysy 70 teńgege kóteriledi
AQTAÝ. QazAqparat - Qaladaǵy qoǵamdyq kólikterde jol júrý aqysy 50 teńgeden 70 teńgege kóteriledi,-dep habarlaıdy QazAqparat tilshisi.
Aqtaý qalalyq ákimdigi baspasóz qyzmetiniń habarlaýynsha, jańa baǵa Aqtaý qalalyq máslıhatynyń 2019 jyldyń 12 jeltoqsandaǵy sheshimimen kelisilgen.
«Buryn 50 teńge Respýblıka boıynsha eń tómengi baǵa bolatyn. 70-teńge de Respýblıka boıynsha eń tómengi jolaqy bolyp sanalady. Baǵa sýbsıdııa tóleý aqysy sheshilgennen keıin 70 teńgege kóteriletin bolady. Jol júrý aqysynyń ósýimen qatar, barlyq qoǵamdyq kólikterge jol aqysyn elektrondy tóleý júıesi (valıdatorlar) engiziledi. QR-nyń 2003 jyldyń 4-shi shildedegi Avtomobıl kóligi týraly zańynyń 20 babyna səıkes, 7 jasqa deıngi balalar qoǵamdyq kólikterde tegin júredi jáne 7 jas pen 15 jas aralyǵyndaǵy balalarǵa 50% jeńildik berilgen»,-delingen habarlamada.
