Aqtaýda qoǵamdyq kólikter júrmeı jatyr

AQTAÝ. KAZINFORM – Búgin tańnan bastap, qalada qoǵamdyq kólikter júrmeı qalǵan. Saldarynan turǵyndar kútpegen jerden tyǵyraqqa tirelgenin aıtyp, shaǵymdanyp jatyr.

- 3 A avtobýsyn uzaq kúttik. Qasymyzda turǵan jolaýshylar bolyp 2 GIS-ti qarasaq, qalada múlde qoǵamdyq kólik joq eken. Jaıaý ketýge týra keldi. Búgin taksı júrgizýshilerdiń joly boldy, - deıdi turǵyndardyń biri.

Aqtaý qalasy ákimdigi baspasóz qyzmetiniń habarlaýynsha, qoǵamdyq kólikter júrip jatyr. Tek sanaýly baǵyttardyń avtobýstary jumysqa shyqpaǵan.

- Qazir Aqtaý qalalyq jolaýshylar kóligi jáne avtomobıl joldary bólimi avtoparkpen habarlasyp, jaǵdaıdy anyqtap jatyr, - deıdi qala ákimdiginiń baspasóz qyzmeti.

Buǵan deıin Mańǵystaý oblysyndaǵy aýyldardyń birinde aýyz sýǵa shekteý engizilgeni týraly jazǵan bolatynbyz