Aqtaýda qoǵamdyq qaýipsizdikti robot-ıtter kúzetedi
AQTAÝ. KAZINFORM – Aqtaý qalasynda qoǵamdyq qaýipsizdikti kúsheıtý, zań men tártipti qamtamasyz etý úshin robot-ıtter qoldanylmaq. Bul týraly Mańǵystaý oblystyq polıtsııa departamentiniń baspasóz qyzmeti habarlady.
-Robot-ıtter qoǵamdyq oryndardy patrýldeý, jedel jaǵdaıdy baqylaý jáne quqyqbuzýshylyqtardyń aldyn alý úshin paıdalanylatyn bolady. Keshender zamanaýı beınebaqylaý júıelerimen jabdyqtalǵan jáne naqty ýaqyt rejıminde aqparatty jedel basqarý ortalyǵyna bere alady, - delingen habarlamada.
Sonymen qatar, robottandyrylǵan platformalar kúdikti zattardy anyqtap, tútin men órt shyǵý belgilerin tirkep, keıinnen shuǵyl qyzmetterge avtomatty túrde sıgnal bere alady. Bolashaqta olardy arnaıy jáne antıterrorıstik is-sharalardy ótkizý kezinde qoldaný múmkindigi qarastyrylý ústinde.
-Qosymsha jańǵyrtýdan keıin robottar qaýipti nysandardy qashyqtan tekserý jáne qyzmetkerlerdiń ómirine qaýip tóndirmeı kúdikti zattardy jyljytý úshin paıdalanylýy múmkin. Zamanaýı tsıfrlyq sheshimderdi engizý qoǵamdyq qaýipsizdik júıesiniń tıimdiligin arttyrýǵa, quqyqbuzýshylyqtardyń aldyn alýǵa jáne yqtımal qaterlerge jedel den qoıýǵa baǵyttalǵan, - delingen habarlamada.
Osyǵan deıin Shymkentte robottar jylý jelilerin tekserip jatqany týraly jazdyq.
