Aqtaýda qyzylsha juqtyrǵan tórt bala jansaqtaý bóliminde jatyr

Mańǵystaý oblysynda qyzylshanyń 384 jaǵdaıy tirkelip, bul respýblıka boıynsha ortasha kórsetkishten 2,5 paıyzǵa joǵary bolyp otyr, dep habarlaıdy Kazinform.

Mańǵystaý oblystyq densaýlyq saqtaý basqarmasynyń basshysy Amanbek Jumyrov óńirde qyzylshany juqtyrǵandardyń 281-i ambýlatorııalyq emdelip jatqanyn atady. Al 103 adam aýrýhanaǵa jatqyzylǵan.

Qazirgi ýaqytta aýrýhanada úsh júkti áıel jáne 64 bala, onyń ishinde bir jasqa tolmaǵan 22 bala bary belgili boldy. Onyń ishinde tórt bala reanımatsııada jatyr.

«2023 jylǵy statıstıkaǵa sáıkes, oblys aýdandarynda qyzylsha juqtyrý sany ár túrli bolyp otyr. Mysaly, Aqtaýda 1034, Jańaózende — 1369 jaǵdaı tirkeldi. Munaıly aýdanynda bul kórsetkish 1191 adamdy qurady. Alaıda, basqa aýdandarda jaǵdaı qalypty ekeni baıqaldy. Máselen, Túpqaraǵan qalasynda — 192, Qaraqııada — 552, Mańǵystaý aýdanynda — 184, Beıneý aýdanynda — 66 jaǵdaı anyqtaldy», — dedi Amanbek Jumyrov.