Aqtaýda qyzdy zorlamaq bolǵan turǵyn ustaldy
AQTAÝ. KAZINFORM — Kúdiktini ótip bara jatqan adamdar ustap, polıtsııaǵa tapsyrǵan. Áleýmettik jelide bet-aýzy ala qan bolǵan er adamnyń beınejazbasy taraǵan bolatyn. Ony turǵyndar túsirgen bolyp shyqty.

Beınejazba avtorynyń aıtýynsha, oqıǵa qarańǵyda, teńiz jaǵalaýynda bolǵan. Qyzdyń kómek surap aıqaılaǵan daýysyn estigen turǵyndar dereý kómekke baryp, boıjetkendi qutqarǵan. Er adam ony zorlamaq bolypty. Turǵyndar kúdiktini polıtsııanyń qolyna tapsyrǵan.
Mańǵystaý oblystyq polıtsııa departamenti oqıǵany rastap, qylmystyq is qozǵalǵanyn jetkizdi.
— Beınejazbadaǵy zorlaýǵa oqtalý áreketi 11 naýryz kúni bolǵan. Dereý qylmystyq is qozǵaldy. Polıtsııa qyzmetkerleri kúdiktini ustap, tergeý ızolıatoryna qamady. Іs júrgizý aıaqtalyp, aıyptaý qorytyndysymen prokýratýra arqyly sotqa jiberildi, — delingen habarlamada.
Buǵan deıin, Mańǵystaýdyń Beıneý aýdanynda 11 bala birdeı dıagnozben aýrýhanaǵa jetkizilgeni týraly jazǵan bolatynbyz.