Aqtaýda qyzdy uryp-soqqan turǵyn qamaýǵa alyndy

AQTAÝ. KAZINFORM – Aqtaýda qyzdy tonap, uryp-soqty degen kúdikpen er adam ustaldy. Mańǵystaý oblystyq polıtsııa departamentiniń málimetinshe, kúdikti ýaqytsha ustaý ızolıatoryna qamalǵan.

— Osy is boıynsha tergeý jalǵasyp jatyr, bolǵan oqıǵanyń barlyq mán-jaılary anyqtalýda, — delingen habarlamada. 

Eske sala keteıik, 17 qarashada Aqtaýda túngi kóńil kóterý oryndarynyń biriniń aldynda er adamnyń qyzdy uryp-soqqan beınejazba tarady. Beınejazbada er adam qyzdy betinen uryp, jerge qulatady. Uryp-soǵý munymen toqtamaı, sálden keıin qaıta jalǵasqan. Keıin jábirlenýshi áleýmettik jelide jigittiń buǵan deıin de oǵan qol kótergenin jazǵan. Qoǵamda rezonans týdyrǵan osy beınejazbadan keıin polıtsııa kúdiktige qatysty is qozǵady.