Aqtaýda kishkentaı qyzdy kólikten ıterip qulatqan týysqan aǵasy bolyp shyqty
AQTAÝ. QazAqparat - Aqtaýda oqýshy qyzǵa dórekilik kórsetken er adamnyń áreketi kópshiliktiń narazylyǵyn týǵyzdy, dep habarlaıdy QazAqparat tilshisi.
Ol kólikten túsip úlgermegen kishkentaı qyzdy ıterip, qulatyp jiberedi. Osy oqıǵany kóshede belgisiz bireý túsirip alyp, áleýmettik jelige júktegen.
Mańǵystaý oblystyq polıtsııa departamentiniń habarlaýynsha, er adamnyń kim ekeni anyqtalǵan. Ol oqýshynyń týysqan aǵasy bolyp shyqty. Azamat quzyrly organǵa óz qylyǵyn túsindirgen. Eshqandaı aryz-shaǵym túspegendikten is qozǵalmady.
