Aqtaýda kezdeısoq adamdar balalardy órtten qutqaryp qaldy
ASTANA. QazAqparat - Órt 22 jeltoqsanda Aqtaýdyń 22 shaǵynaýdanynda óndiristik baza ákimshilik ǵımaratynyń ekinshi qabatynda boldy.
Órt sóndirýshiler kelgenshe kezdeısoq júrginshiler kámelet jasqa tolmaǵan eki balany qutqarǵan. Bul týraly Aqtaý Órt sóndirý jáne apattyq-qutqarý jumystary qyzmeti habarlady, dep jazdy Lada.
Oqıǵa týraly dabyldy órt qyzmetine kezdeısoq kýágerler 12:34-te habar bergen. Ákimshilik ǵımarattyń ekinshi qabatyndaǵy keńselik jıhaz janyp ketken. Órt aýmaǵy 20 sharshy metrdi quraıdy. Ekinshi qabat jalynǵa qaqtalǵan.
«Órt sóndirýshiler kelgenshe kezdeısoq ótip bara jatqan adamdar eńselik ǵımaratta bolǵan 4 jáne 5 jastaǵy ul men qyzdy qutqaryp qaldy. Balalardyń anasy ǵımarat janyndaǵy «777» dámhanasynda bolǵan. Ol sonda jumys isteıdi. Oqıǵadan balalardyń anasy eseńgirep qaldy, onymen psıhologtar jumys isteýde. Balalardyń aıtýynsha, olar sirińkemen oınaǵan. Órt 8 mınýtta aýyzdyqtaldy», - dep habarlady mekemeden.
Tilsiz jaýdy aýyzdyqtaýǵa jeke quramnan 15 adam jáne 4 arnaıy tehnıka jumyldyryldy.
