Aqtaýda «QazAzotqa» atmosferany lastaǵany úshin 8,5 mln teńgege aıyppul salyndy

AQTAÝ. KAZINFORM — Mańǵystaý oblystyq ekologııa departamenti «QazAzot» kompanııasyna qatysty Qazaqstan Respýblıkasy ekologııalyq zańnamasynyń talaptaryn saqtaý boıynsha jospardan tys tekserý júrgizdi.

Nátıjesinde qysqa merzimdi apattyq jaǵdaıda atmosferalyq aýaǵa lastaýshy zattardyń taralǵany anyqtaldy. Zańbuzýshylyq Mańǵystaý atom energetıkalyq kombınatynda energııa bloktarda bolǵan apattyq jaǵdaılarǵa qatysty bolǵan.

— Tekserýlerdiń qorytyndysy boıynsha kásiporyn QR ÁQBtK 328-babynyń 2-bóligi boıynsha ákimshilik jaýapkershilikke tartyldy. «QazAzot» zaýytyna 8 552 901 teńge kóleminde aıyppul salyndy. Óńirlik ekologııa departamenti aldaǵy ýaqytta da tabıǵatty qorǵaý zańnamasynyń saqtalýyn baqylaý boıynsha júıeli jumysty jalǵastyryp, qorshaǵan ortaǵa teris áserdi azaıtý boıynsha sharalardy qabyldaıdy, — delingen habarlamada. 

Buǵan deıin, «KazAzot» zaýytynda oqys oqıǵa bolyp, jumysshylar zardap shekken bolatyn.