Aqtaýda «Qazaqtelekom» qyzmetkeri jumys kezinde qaza tapty
AQTAÝ. KAZINFORM — Aqtaýda 21 qyrkúıekte óndiristik jumys kezinde jazataıym oqıǵa bolyp, «Qazaqtelekom» qyzmetkeri qaza tapty. Qaıǵyly jaǵdaıdyń mán-jaıy resmı tergeý barysynda anyqtalyp jatyr.
— 21 qyrkúıekte Aqtaýda jumys júrgizý kezinde jazataıym oqıǵa oryn alyp, sonyń saldarynan kompanııa qyzmetkeri qaza tapty. Qaza bolǵan azamattyń týǵan-týystary men jaqyndaryna qaıǵyryp kóńil aıtamyz. Otbasyna jan-jaqty kómek kórsetilip jatyr, sonyń ishinde jerleý rásimin uıymdastyrýǵa qoldaý kórsetilýde. Sonymen qatar kompanııada qoldanystaǵy áleýmettik kepildikter aıasynda tıisti tólemder qarastyrylǵan, — dep habarlady «Qazaqtelekom» AQ baspasóz qyzmeti.
Kompanııanyń habarlaýynsha, qazirgi ýaqytta jazataıym oqıǵaǵa qatysty ýákiletti memlekettik organdardyń qatysýymen tıisti tergeý júrgizilip jatyr.
Oqıǵanyń barlyq mán-jaıy men sebepteri anyqtalýda.
Buǵan deıin Shymkentte kúresten Qazaqstan chempıony zaýytta tok soǵyp, kóz jumǵanyn habarlaǵan bolatynbyz.
