Aqtaýda Qazaq-nemis ınjınırıng ınstıtýty ashylady

ASTANA. QazAqparat – Aqtaýda Qazaq-nemis ınjınırıng ınstıtýty ashylady. Bul týraly Aqordada Germanııa Prezıdenti Frank-Valter Shtaınmaıermen kelissózderden keıingi BAQ ókilderine birlesken málimdeme barysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Eń aldymen shaqyrýymdy qabyl alyp, Qazaqstanǵa arnaıy saparmen kelgenińiz úshin rızashylyǵymdy bildiremin. Bul sapar eki el arasyndaǵy yntymaqtastyqty damytýǵa tyń serpin bereri sózsiz. Biz búgin Germanııa Prezıdenti Frank-Valter Shtaınmaıer myrzamen kelissózder júrgizdik. Ekijaqty baılanystardy nyǵaıtý joldaryn talqyladyq. Sondaı-aq ózekti halyqaralyq máseleler jóninde pikir almastyq», - dedi Memleket basshysy.

Prezıdenttiń atap ótýinshe, bıyl Qazaqstan men Germanııa arasynda dıplomatııalyq qarym-qatynas ornaǵanyna 31 toldy. Osy ýaqyt ishinde joǵary deńgeıdegi saıası dıalog qalyptasty. Ózara tıimdi saýda-ekonomıkalyq jáne ınvestıtsııalyq yntymaqtastyq qarqyndy damýda. Mádenı-gýmanıtarlyq baılanystardyń aıasy keńeıdi.

«Seriktestikti jandandyrý úshin áleýetimiz mol ekenin atap ótkim keledi. Atap aıtqanda, Mańǵystaýdaǵy jasyl sýtegin óndirýge arnalǵan birlesken jobanyń mańyzy zor. Nemistiń ozyq tehnologııasy men tájirıbesi negizinde kásibı mamandar daıyndaý qajet. Osy rette Aqtaýda Qazaq-nemis ınjınırıng ınstıtýty ashylady. Bul jobalar eki eldiń stýdentteri men mamandary arasynda tájirıbe almasýǵa jol ashady. Ekonomıkany, óndiris salasyn bilikti kadrlarmen qamtamasyz etýge múmkindik beredi», - dedi Qasym-Jomart Toqaev.