Mańǵystaýda qaza tapqan áskerı qyzmetshilerdiń aty-jónderi belgili boldy
ASTANA. KAZINFORM — Qorǵanys mınıstrligi 24 qyrkúıek kúni oqý-jattyǵý kezinde qaza tapqan áskerı qyzmetshilerdiń tizimin jarııalady.
Buǵan deıin habarlanǵanyndaı, qaza bolǵan áskerı qyzmetshilerdiń sany 12-ge jetti, ekeýi izdestirilip jatyr.
Mańǵystaý oblysynda oqý-jattyǵý kezinde qaza tapqan áskerı qyzmetshilerdiń aty-jónderi:
- Aǵa leıtenant Oljas Muhtaruly;
- m/q matros Serjan Talǵatuly Aıapbergen;
- m/q matros Ómirbek Ómirbolatuly Ómirzaq;
- m/q matros Almas Júsipuly Kóbenov;
- m/q matros Aqylbek Qabdenuly Tólegen;
- m/q matros Jeńis Tleýuly Temirǵalıev;
- m/q matros Meırambek Ermuhanuly Berdihanov;
- m/q matros Áset Samatuly Jańabaı;
- m/q matros Azamat Bolatbekuly Mádihan;
- m/q matros Dastan Nurboluly Begeı;
- m/q matros Aqjaıyq Bolatbekuly Gılaj;
- m/q matros Oljas Tájibaıuly Dıhanbaev.
— Qazaqstan Respýblıkasynyń Qorǵanys mınıstrligi jáne Qarýly kúshterdiń jeke quramy Mańǵystaý oblysynda oqý-jattyǵý kezinde qaza tapqan áskerı qyzmetshilerdiń týǵan-týystary men jaqyndaryna qaıǵyryp kóńil aıtady, — delingen habarlamada.
Eske salaıyq, 2026 jylǵy 24 qyrkúıekte Kaspııdegi áskerı oqý-jattyǵý kezinde 9 áskerı qyzmetshi qaza tapqanyn habarlaǵanbyz. Úsh áskerı qyzmetshi qutqaryldy. Olardyń bireýi aýrýhanaǵa jatqyzyldy. Qalǵandaryn izdeý jumystary jalǵasyp jatyr.
Keıinirek áskerı qyzmetshilerdiń qaza bolý faktisi boıynsha qylmystyq is qozǵalyp, tergelip jatqanyn jazdyq.
Mańǵystaý oblysynda áskerı qyzmetshilerdiń qaza bolý sebepterin tergep-tekserý jónindegi úkimettik komıssııa quryldy.
Komıssııa quramyna qorǵanys mınıstri, Mańǵystaý oblysynyń ákimi, Eńbek jáne halyqty áleýmettik qorǵaý, Tótenshe jaǵdaılar, Densaýlyq saqtaý, Kólik mınıstrlikteriniń basshylyǵy, Bas áskerı prokýror, sondaı-aq shekara qyzmetiniń ókilderi kirdi.
Sonymen qatar, Prezıdent Qasym-Jomart Toqaev Mańǵystaý oblysynda áskerı oqý-jattyǵý kezindegi qaıǵyly oqıǵa saldarynan qaza tapqan áskerı qyzmetshilerdiń týǵan-týystaryna kóńil aıtty.
Áskerılerdiń qazasynan keıin Aqtaýda úsh kúnge josparlanǵan merekelik sharalar ótpeıtin boldy.
25 qyrkúıek Qazaqstanda jalpyulttyq aza tutý kúni bolady.
