Aqtaýda qaıyqtyń aýdarylýyna kináliler jaýapqa tartyldy
ASTANA. KAZINFORM — Áleýmettik jelilerde taraǵan qaıyqtyń aýdarylýy týraly beınejazbada kórsetilgen oqıǵa 28 shilde kúni Aqtaý qalasynda bolǵan. Osy oqıǵa boıynsha Tótenshe jaǵdaılar mınıstrligi quqyq buzǵan azamattar jaýapqa tartylǵanyn habarlady.
— Jiberilgen zań buzýshylyqtarǵa baılanysty kináli tulǵalarǵa Qazaqstan Respýblıkasynyń Ákimshilik quqyq buzýshylyq týraly kodeksiniń 582-babynyń 2-bóligi, 583-babynyń 2-bóligi jáne 582-babynyń 1-bóligi boıynsha ákimshilik hattamalar toltyryldy. Quqyq buzýshylarǵa tıisti ákimshilik aıyppuldar salyndy, — delingen habarlamada.
Qazaqstan TJM sýdaǵy qaýipsizdik qaǵıdalaryn qatań saqtaýdyń mańyzdylyǵyn eske saldy. Shaǵyn kólemdi kemelerdiń ıeleri men jolaýshylaryna belgilengen jolaýshylar syıymdylyǵynan aspaý, qutqarý keýdeshelerin mindetti túrde kııý jáne keme qatynasy talaptaryn qatań saqtaý usynylady.
Eske sala keteıik, Alakóldegi parom apatynan keıin áıel eki aıaǵynan aıyrylǵan bolatyn.
