Aqtaýda Kaspııdiń jyly jaǵajaıyna aparatyn marshrýt iske qosyldy

AQTAÝ. QazAqparat – Jaz mezgilinde turǵyndardyń teńizge barýyn qamtamasyz etetin «Aqtaý - Jyly jaǵajaı» baǵyty boıynsha jańa marshrýt iske qosyldy, dep habarlaıdy QazAqparat tilshisi.

Avtobýs 36 shaǵynaýdan ornalasqan flagshtoktan bastap «Tree of life» jaǵajaıyna deıin jolaýshylardy tasymaldaıdy.

«Turǵyndar jaz mezgilinde teńizge kóp barady. Sondyqtan qala syrtyndaǵy jaǵajaılarǵa deıin júretin №6 avtobýsty iske qostyq. Atalǵan marshrýt kúnine 3 ret jolaýshylardy tasymaldaıdy. Taǵy bir aıta ketetin jaıt, 1 maýsym – balalardy qorǵaý kúnine oraı atalǵan marshrýt balalarǵa tegin qyzmet kórsetedi»,- dedi Aqtaý qalalyq jolaýshylar kóligi jáne avtomobıl joldary bóliminiń basshysy Ashat Nurmuhan.

Aıta keteıik, №6 «Aqtaý - Jyly jaǵajaı» baǵytyndaǵy avtobýs kúndelikti 9:00-10:20, 11:40-13:20 jáne 18:20-19:20 aralyǵynda júredi.