Aqtaýda «Kaspıı samaly-2025» birlesken áskerı-teńiz jattyǵýlary ótip jatyr
AQTAÝ. KAZINFORM — Aqtaýda Qazaqstan men Ázerbaıjan Áskerı-teńiz kúshteriniń «Kaspıı samaly-2025» birlesken oqý-jattyǵýlarynyń saltanatty ashylý rásimi ótti. Bul týraly Qorǵanys mınıstrligi málim etti.
Oǵan eki memlekettiń qolbasshylyǵy men áskerı qyzmetshileri qatysty. Dástúr boıynsha is-shara áskerı orkestrdiń memlekettik ánurandardy oryndaýy men eki eldiń týlaryn kóterýden bastaldy.
Áskerı kontıngentterdi Qazaqstan Áskerı-teńiz kúshteri bas qolbasshysynyń birinshi orynbasary – Bas shtab bastyǵy 1-dárejeli kapıtan Qanat Nııazbekov jáne Ázerbaıjan Áskerı-teńiz kúshteri qolbasshysynyń birinshi orynbasary – shtab bastyǵy 1-dárejeli kapıtan Teımýr Mýrshýdov quttyqtady.
Birlesken oqý-jattyǵýlar teńiz ekonomıkalyq qyzmeti nysandarynyń, Áskerı-teńiz kúshteri men keme qatynasy pýnkteriniń qaýipsizdigin arttyrýǵa baǵyttalǵan.
1 dárejeli kapıtan Qanat Nııazbekov atap ótkendeı, oqý-jattyǵýlar ekijaqty ózara is-qımyldy nyǵaıtýǵa jáne kásibı tájirıbe almasýǵa yqpal etetin bolady.
Іs-shara shaǵyn fýtbol, armrestlıng, arqan tartý jáne júzý jarystarymen aıaqtaldy.
Aıta keteıik, buǵan deıin Qazaqstannyń áskerı teńizshileri Bahreınde sýasty mınalaryn tazartýǵa qatysatynyn jazǵan edik.