Aqtaýda Kaspıı ıtbalyǵyn zertteý jáne ońaltý ortalyǵy jumys isteıdi

AQTAÝ. QazAqparat – Aqtaý qalasynda Kaspıı ıtbalyǵyn zertteý jáne ońaltý ortalyǵy jumys isteıdi. Bul týraly Qoǵamdyq kommýnıkatsııa ortalyǵynda Mańǵystaý oblysy tabıǵı resýrstar jáne tabıǵat paıdalanýdy retteý basqarmasynyń bólim basshysy Dınara Eńsegen málim etti, dep habarlaıdy QazAqparat tilshisi.

Spıkerdiń aıtýynsha, 2019 jyly 6 tamyzda Aqtaý qalasynda Kaspıı ıtbalyǵyn zertteý jáne ońaltý ortalyǵy ashyldy. Ortalyqta jaralanǵan nemese jaǵalaýlarda jalǵyz kezdesken ıtbalyqtar zerttelip, qorektendirilip, emdelip, qaıta ómir súrý ortasyna jiberilip otyrady.

«Kaspıı problemalary ǵylymı-zertteý ınstıtýty Aqtaý fılalynyń keshendi baǵdarlamasyn jasaqtaý úshin oblystyq bıýdjetten 40 mln teńge bólindi. «Astana» halyqaralyq ǵylymı kesheni «Mańǵystaý oblysy boıynsha ekologııalyq jaǵdaıdy jaqsartýdyń 2026 jylǵa deıingi merzimdi qamtıtyn baǵdarlamasyn» jasaqtap aıaqtady. Baǵdarlamadaǵy 27 ǵylymı-qoldanbaly zertteý jobasyn iske asyrý úshin tıisti organdarǵa jiberildi», - dedi Dınara Eńsegen.

Sondaı-aq Kaspıı ıtbalyǵy popýlıatsııasy sanynyń dınamıkasyn zertteý, qaýip faktorlaryn keshendi baǵalaý jáne olardy azaıtý boıynsha usynystar ázirleý maqsatynda 2009 jyldan beri Kaspıı teńizindegi araldarǵa ekspedıtsııa uıymdastyrylyp keledi.

Foto: pricom.kz