Aqtaýda kásipker monıtorıng tobynyń jumysyna kedergi keltirdi

AQTAÝ. QazAqparat - Aqtaýda kásipker monıtorıngtik toptyń jumysyna kedergi keltirip, shý shyǵardy, dep habarlaıdy QazAqparat tilshisi. Reıd kezinde jaraqat alǵandar boldy.

Ákimdik qyzmetkerleri jergilikti polıtsııa qyzmetimen jáne «Nur Otan» partııasynyń depýtattarymen birlesip, Mańǵystaý oblysynyń bas memlekettik sanıtarlyq dárigeri qaýlysynyń sanıtarlyq-epıdemıologııalyq talaptaryn saqtaý maqsatynda 20 kásipkerlik nysanǵa reıd júrgizdi. «N2O» túngi klýby, «Bad Toro» bary, «Gan-fan», «Sultan Pasha» jáne «Altyn ǵasyr»meıramhanalary tekserýden ótken joq. Sebebi, bul jerdiń ákimshileri monıtorıng top ókilderimen janjaldasyp, shý shyǵarǵan.

«Mekemeler sanıtarlyq dárigerdiń qaýlysyn óreskel buzǵan. Adamdar kóp jınalǵan. Sondaı-aq maska rejımi men áleýmettik qashyqtyq buzyldy. «N2O» túngi klýbynda kásipker qarsylyq kórsetti. Sodan keıin depýtattar Aqtaý qalalyq máslıhaty depýtattarynyń denesine zaqym keltirgeni jáne múlkine zııan keltirgeni úshin mekeme ákimshiligine resmı ótinish jazdy», - dep habarlady qala ákiminiń baspasóz qyzmeti.

Ákimdik jáne polıtsııa qyzmetkerlerimen qajetti foto jáne beınematerıaldar jınalyp, aktiler toltyryldy.

«Biz qala turǵyndary men kásipkerlerin barlyq qajetti sanıtarlyq normalardy ustanýǵa jáne azamattar aldyndaǵy áleýmettik jaýapkershilikti saqtaýǵa shaqyramyz», - dep eske saldy ákimdiktiń baspasóz qyzmeti.