Aqtaýda qasbeti qulaǵan úı qala ákimdiginiń esebinen qaıta qalpyna keltiriledi

AQTAÝ. QazAqparat - Búgin Aqtaýdaǵy 30 shaǵynaýdan 169 turǵyn úıdegi jaǵdaıǵa baılanysty qala ákiminiń orynbasary S.Gýsmannyń tóraǵalyǵymen tótenshe jaǵdaılardy joıý jáne aldyn alý maqsatynda tıisti mamandarmen jáne turǵyndarmen birikken komıssııa otyrysy ótti, dep habarlaıdy QazAqparat tilshisi.

Buǵan deıin Aqtaýda kóp qabatty ǵımarattyń qasbeti qulap, gaz qubyry búlingenin jazǵan bolatynbyz.

Aqtaý qalasy ákiminiń baspasóz qyzmetiniń habarlaýynsha, qoldanysqa berilgenine 10 jyldan asqan turǵyn úıdiń syrtqy qaptamasynyń qulaýy Tótenshe jaǵdaılar Mınıstrliginiń daǵdarys jaǵdaılarynda tirkelýge jatatyn tabıǵı jáne tehnogendik sıpattaǵy tótenshe jaǵdaılar týraly aqparat krıterıılerine sáıkes tehnogendi sıpattaǵy tótenshe jaǵdaı dep tanyldy.

S.Gýsman tıisti bólimderge jobalyq smetalyq qujattama jasaqtap, búginnen bastap turǵyn úıdi qaıta qalpyna keltirý jumystaryn bastaýdy tapsyrdy.

Atalǵan jumystarmen «Ońdasyn Stroı» JShS aınalysyp, qarjy qala ákimdiginiń bıýdjetinen qarastyrylady.

Sonymen qatar, qaladaǵy jańadan turǵyzylatyn turǵyn úılerdiń qurylysyna jaýapty merdiger kompanııanyń kepildik merzimin uzartý boıynsha usynys aıtylyp, osy boıynsha qurylys bólimine sheshim shyǵarý tapsyryldy.