Aqtaýda qarýmen kóshe kezip júrgen jasóspirim ustaldy
ASTANA. QazAqparat - Aqtaýda QR Ulttyq ulanynyń áskerı jasaǵy kóshede atys qarýymen júrgen buzaqyny qolǵa túsirdi, dep habarlaıdy QazAqparat.
«Áskerı jasaq bastyǵy, JPQ qyzmetkeri polıtsııa serjanty Beksultan Dildábek jáne qatardaǵy jaýyngerler Jarasqan Baımyrza men Nursultan Baltabekov baqylaý baǵdarymen kele jatqanda, otty qarýdan atylǵan dybysty estigen. Jaýyngerler dereý atys ornyna qaraı baryp, qarýmen oınap turǵan jasóspirimdi baıqaǵan. Áskerı jasaqty kórisimen, jasóspirim qasha jónelgen», - delingen QR Ulttyq ulany baspasóz qyzmetiniń málimetinde.
Alaıda jetkinshek alysqa uzaı almady. Shaǵyn aýdandy tintý barysynda ol syrahanalardyń birinen ustalyp, máseleniń anyq-qanyǵyn anyqtaý úshin qalalyq Іshki ister basqarmasyna jetkizildi. Qazirgi ýaqytta istiń mán-jaıy anyqtalý ústinde.
