Aqtaýda Qarýly kúshter sapyna alynǵandardy saltanatty túrde shyǵaryp saldy

ASTANA. KAZINFORM — Qalanyń alańynda Mańǵystaý oblysynan áskerge shaqyrylǵandardy shyǵaryp salý rásimi ótti, dep habarlaıdy Qorǵanys mınıstrliginiń baspasóz qyzmeti.

Іs-sharaǵa Aqtaý qalasynyń ákimi Ábilqaıyr Baıpaqov, Májilis depýtaty Natalıa Dementeva, Áskerı-teńiz kúshteriniń, UQK Shekara qyzmetiniń, Ulttyq ulannyń áskerı qyzmetshileri, qoǵamdyq uıymdardyń ókilderi, Qarýly kúshterdiń ardagerleri, áskerge alynǵandardyń týǵan-týystary men dostary qatysty.

Aqtaý garnızonynyń áýe shabýylyna qarsy qorǵanys brıgadasynda 25 mańǵystaýlyq merzimdi áskerı qyzmetin ótkeretin bolady.

Parlament depýtaty Natalıa Dementeva bul kúni qatty tolqydy, óıtkeni áskerge jiberiletinderdiń ishinde onyń uly boldy.

— Búgin uldarymyzdy áskerge jiberip otyrmyz, olar onda shynyǵyp, shymyr bolyp, ómirlerine qajetti tájirıbe jınaıdy, Otannyń naǵyz qorǵaýshysy atanady. Balalarymyzǵa shyn júrekten abyroımen qyzmet atqarýdy tileımin, — dedi N. Dementeva.

Mańǵystaý oblysy qorǵanys isteri jónindegi departamentiniń bastyǵy Rýslan Baltemirov atap ótkendeı, qazirgi ýaqytta Qarýly kúshter qataryna komandalardy jiberý aıaqtalýda. Áskerge qabyldanǵandardyń jalpy sany 300-den asady. Budan bólek, komandalardy Ulttyq ulanǵa jiberý de josparlanǵan.

Іs-shara áskerge shaqyrylýshylardy shyǵaryp salý búkil oblys úshin mańyzdy oqıǵa bolǵanyn kórsetti. Mańǵystaý oblysynyń «Atameken» kásipkerler palatasy bolashaq sarbazdarǵa uıaly telefon syılady. Bul izgi nıet armııa mektebinen ótetinderge shyn júrekten kórsetilgen qoldaý, qazaqstandyqtardyń birligi men yntymaǵyn bildirse kerek.

Eske salsaq, keshe ShQO-da merzimdi qyzmettegi áskerı qyzmetshi qaza bolǵany habarlandy.